हे नेहमी असच होत हो

केस कुरवाळत, पावडर लावत प्रेमाच्या सुरात 

अचानक आज विचारलं तिने आपल्या देखणेपणाच्या तोऱ्यात 

" झालेय न मी पूर्वी इतकी स्लिम ट्रिम पुन्हा ?"

मी :  हो …. डोळ्याखाली दिसत आहेत सगळ्या अशक्तपणाच्या खुणा :(

हे नेहमी असच होत हो …. 

ती आपली दाखवत असते खिडकीतून बहरलेली झाडं 

त्याचवेळी दिसतात नेमकी मला तिची बाहेर आलेली हाडं 

फिगरच्या नावाखाली हल्लीच्या पोरीं सगळ्या  नाटकी 

jeans मात्र टाईट हवी , मग नसेना का त्यात  १० ची नोट फाटकी 

   

हे नेहमी असच होत हो …. 

ती आपली कौतुकाने आकाश असते न्याहाळत 

मला मात्र त्या ढगांच्या आकारातलं काहीच नाही कळत 

वाटतो … गादीतला कापूस विस्कटून झालाय नुसताच कचरा 

आणि ती म्हणते …थांबा ,  ढगांच्या गर्दीतून सुटलेल्या किरणावर कविता लिहिते जरा  

हे नेहमी असच होत हो ….

दिवसभर पिल्लाच्या poems गात असते ती सुरात 

सुट्टी दिवशी फुटबॉल घेऊन मी अन पिल्ला दारात 

कृष्णाची अंगाई , शिवाजीचा पाळणा सगळचं तिला म्हणता येत

मी झोपवायला गेलो तर pillupack  खेळायला जाग होत 

हे नेहमी असच होत हो ….

अगदी सहजपणे resolve करते माझी error कधीतरी 

मला आपलं उगाच वाटत , कामात अडकत चालली आहे बायको माझी घरी :)

कधी कधी वाटत … multitasking तर तिने कोळून पिलंय अगदी

मीचं सारखं वाचत राहतो उगाच तिच्या कामाची यादी :)

हे नेहमी असच होत हो .....