गेल्या आठवड्यामध्ये मी *कोरफडीच्या रोपाची काळजी कशी घ्यावी ?* याबद्दल माहिती लिहिली होती.
ही माहिती तुम्ही इथे वाचू शकता . 👇👇
कोरफडीच्या रोपांची काळजी कशी घ्याल ?
तुम्हा सर्वांचा खूप छान प्रतिसाद मिळाला. त्याबद्दल मनापासून आभार.
माझ्या कोरफडी ला भरपूर छोटी रोप आली होती. म्हणून मी त्याचे वेगवेगळ्या कुंड्यात repotting केले. सध्या तरी ७ नवीन
कोरफड रोपे तयार झाली. अजून ही बरीच होतील.
जर तुमचे कोरफड सुदृढ आणि आनंदी असेल तर त्याच्या आजबाजूला नक्की नवीन रोपे येतील.
फोटो १ : मुख्य रोप आणि सोबत नवी उगवलेली रोपे
Mother Aloe Vera पासून तिचे pups वेगळे लागवड करताना काय काळजी घ्यावी लागते याबद्दल थोडेसे ....
१. रोपे भरपूर आली असतील तरच repotting साठी वेगळे काढा.
२. मुख्य रोप म्हणजे mother plant ला अजिबात हलवू नका.
३. Pups वेगळे काढताना त्याच्या बाजूची माती हलकी करून घ्या. Repotting करावयाचे रोप खालच्या बाजूने मुळासहित उचलणे खूप गरजेचे आहे . या रोपाची सर्व मुळे त्याच्यासोबत वर आली पाहिजे.
४. जर लहान रोपे एकमेकात गुंतली असतील तर वरच्या बाजूने हलके दाब देवून / मातीला छेद देवून वेगळी करून घ्या.
५. वेगळी केलेली रोपे मी खाली फोटोमध्ये दाखवली आहेत.
६. एकवेळी थोडीच रोपे काढून घ्या. मुख्य रोपाला पूर्ण एकटे करू नका.
७. नवीन कुंडीत लावताना पहिला मातीचा थर मग १ चमचा शेणखत , यावर अजून एक मातीचा थर आणि मगच मुख्य झाडापासून वेगळे केलेले रोप लावा.
८. बाजूने माती भरून हाताने दाबून घ्या. आजूबाजूची माती सैल पडली तर रोप सरळ उभे राहणार नाही.
९. पाण्याचा निचरा होण्यासाठी खाली छेद असणारी च कुंडी निवडा. कोरफड ला पाण्याचा निचरा खूप गरजेचे आहे
१०. २-४ इंच उंचीची कुंडी पुरेशी आहे.
 |
११. लागवड केलेल्या नवीन रोपाला पाहिले १ आठवडा घराच्या आत राहू द्या. फार जास्त थंडी / जास्त ऊन लगेच सहन होणार नाही.
१२. पाणी आठवड्यातून १/२ वेळा द्या. ते ही मातीचा वरचा थर सुकल्यावर.
माझ्या एका रोपाची सध्या ८ रोपे झाली. कुठलीही वेगळी काळजी न घेता. निसर्ग भरभरून देतो. घ्यायला शिका 😊🙏
फोटो : उरलेले मुख्य रोपं
