ए आई मला हौसेत राहू दे

पावसाळा सुरु झाला म्हटलं की पूर्वी चिमुरडी आईकडे चिंब भिजण्यासाठी हट्टुन बसायची . " ए आई मला पावसात जाऊ दे " सारखी गाणी ओठांवर आपोआप ताल धरू लागायची.

पावसाळे सरत गेले तसे भिजायचे हट्टही परतीच्या थेंबा बरोबर परत गेले . दिवस बदलले अन हट्टही

आजची बच्चेकंपनी आईकडे कशासाठी मागे लागतील ?

हे मांडण्याचा एक प्रयत्न " ए आई मला पावसात जाऊ दे " या कवितेच्या विडंबन काव्यातून 

ए आई मला हौसेत राहू दे 

एकदाच ग मोजुनी मला कोल्डड्रिंकचा थेंब थेंब पिऊ दे  

पॉपकॉर्न कसे बघ तडतड उडती 

पिझ्झा डब्यातून मला खुणावती 

बर्गर संगे McD त मज आईस्क्रीमचे थर रचू दे   

फेसबुक वर खुळे साचले 

भिंतीइतके (FB wall) कॉमेंट्स पुरले 

तऱ्हेतऱ्हेच्या कोड्यांची मज फिर्याद ग घेऊ दे ( Criminal Case Game )   

तुझा पिटुकला बघ java वाचतो

Google दादा डोके भरतो

पुस्तकामाधुनी या सगळ्या मजला 'नको'ची आग पेरू दे  

$ खाली उभा राहुनी 

मायेने मी तुडवीन नाणी 

चोर , Income tax , पोलिस , raid कुणी वाट्टेल ते येऊ दे 

View Facebook Comments

मूळ कविता 

ए आई मला पावसात जाउ दे
एकदाच ग भिजुनी मला चिंब चिंब होऊ दे

मेघ कसे बघ गडगड करिती
विजा नभांतुन मला खुणविती
त्यांच्यासंगे अंगणात मज खूप खूप नाचु दे

खिडकीखाली तळे साचले
गुडघ्याइतके पाणी भरले
तऱ्हेतऱ्हेच्या होड्यांची मज शर्यत ग लावु दे

बदकांचा बघ थवा नाचतो
बेडुक दादा हाक मारतो
पाण्यामधुनी त्यांचा मजला पाठलाग करु दे

धारेखाली उभा राहुनी
पायाने मी उडविन पाणी
ताप, खोकला, शिंका, सर्दी, वाट्टेल ते होऊ दे