आई शप्पथ खर सांगतो रावं

आई शप्पथ खर सांगतो रावं
या पोरी कस्सला खातात भाव

तिशी संपून डोक्यावर दिसू लागलीये पस्तीशी
वाटतंय आता थोड्या दिवसात लागेल ही बसवावी बत्तीशी
इतक्या वर्षात कुणाच्याच नजरेत नाही हो भरलो
कांदे पोह्याच्या कार्यक्रमात आम्ही साफ हरलो
गलेलठ्ठ पगाराची भुरळ आता नाही पडत
चारचाकी बघून म्हणतात "असेल अजून EMI फेडत "
आई शप्पथ खर सांगतो रावं
या पोरी कस्सला खातात भाव

onsite असलो तर दहा वेळा करतात visa check
कुणी सांगावं म्हणे हल्ली काय असू शकत fake
कसलं contract आहे आणि राहणार दिवस किती ?
बायकोला कधी घेऊन जाणार ? याचं पश्नांची सरबत्ती
सातासमुद्रापल्याडही सोडला नाही अजून मी शाकाहारी बाणा
अन या म्हणतात , कशाकशाने बाटला असेल रे देवा याचा दाणा
आई शप्पथ खर सांगतो रावं
या पोरी कस्सला खातात भाव

आई वडिलांबरोबर गावी राहिल्यावर ह्यांचा सूर वेगळाच
म्हणे , नवीन संसारात सासूचा कुणी सहन करावा जाच ?
कधीच यांना कळला नाही आभाळाएवढ प्रेम करणारा सासरा
मग कुठला उमजतोय हो , काळ्या मातीने दिलेला आसरा ?
शेतात या राबणार नाहीत अन गोठ्यातही नाही वाकणार
कचकड्याच्या बाहुल्या या , कसा माझा संसार हाकणार ?
आई शप्पथ खर सांगतो रावं
या पोरी कस्सला खातात भाव

शेवटी आज सांगून टाकलं मी कमरेत वाकलेल्या आईला
अजून खेटर झिजवावी लागणार, शोधत अंगणातल्या जाईला
सावळी कांती साधी माय समजावत म्हणाली मला
कुठल्या तुळशीला पाणी घालत बसलीये कोण जाणे ती बया ?
डोळ्यात कोरून काजळ , आईने ठेवली असेल ती चंद्रकोर झाकून
खणखणीत रुपया हवाय मग शोधायला नको का रे बाबा जरा वाकून ?
आई शप्पथ खर सांगतो रावं
माझ्यावरचं उलटला हा डाव   :D

View Facebook Comments