ब्लॉग रायटिंग

काय ग ... काही लिहील नाहीस बरेच दिवसात ?

वेळ नाही निघत आहे तुझ्या ब्लॉगसाठी की ......

लिहीण्यासारख नाहीच घडल काही गेल्या काही काळात ? 

- माझ आपल नेहमीच एक smile :) 

( उत्तर देण टाळायच असेल तर हा उत्तम उपाय असतो .. अस मला सांगितलं होत कुणीतरी )

तुझ्या या हसण्याचा अर्थ काय लावायचा आता समोरच्याने ?

बोलायला पैसे पडतात का ग तुला ?

कि हसल्यावर पैसे मिळतात ? नुसती हसून मोकळी होते ..

madam बरेच लोकं वाचतात हे सगळ . आवडत काहींना म्हणून विचारतेय 

- तुला एक सांगू का " Single smile says a lot "

बंर .... तुझ्या या secret smile मागच a lot मला नाही कळत बाई 

सरळ विचारतेय ...सरळ उत्तर दे ..काय झालाय ?

काही लिहील नाहीस बरेच दिवसात ?

तुझ्या शब्दांनी काय संप पुकारलाय की काय आता ?

- तिच्या या प्रश्नांपुढे माझा मोठ्ठा पॉज 

काय सांगणार आता हिला ?

पूर्वी बरच काही असायचं चालू मनात 

कधी ओसंडून वाहील कि ... उतरायचं या वहीच्या पानात 

बरंच काही असायचं फक्त माझ्यापुरत 

' तो ' असतो आता बोलायला मनसोक्त 

लिहायला हल्ली कुठे काय उरत ?

ओ... हो....

आता तुला तुझा ' तो ' मिळालाय नाही का :)

चालू द्या ..चालू द्या ..

बरेच प्रश्न आता निघालेत निकालात 

कुणाचा आवाज आता डोक नाही खात 

बरंच काही असायचं न पटणार 

' तो ' असतो आता आवडी निवडी सांभाळायला

लिहायचं झाल तर हल्ली ' ते ' वादळही न उठणार 

बर झालं बाई ..तुझं कुठल वादळ की काय असेल ते लवकर शांत झालंय 

नाही दुसर काही नाही ...मी पाचोळ्यासारखी उडून जायचे या वादळात तुझ्या 

तुझ्या pillupack वर तरी लिहिशील की  नाही काही ?

साहेब लिहायला काही शिल्लकच राहू देत नाहीत

     

पूर्वी बरच काही असायचं mumma च्या डोक्यात 

आता तो पळवतोय मला घड्याळाच्या ठोक्यात  

त्याच्या शब्दात लिहीलं होऊन त्याच्या इतकी लहान

आता त्याचे बोबडे बोल नाचतात थुई थुई 

मला कुठे सुचत बोलायला त्याच्याइतक छान 

Great ..कुणीतरी मिळालं म्हणा .. तुझ्या बडबडीला थांबवणार 

बर मग सरळच विचारते आता ...

सोडलस कि काय लिहीण ? 

सोडलस काय आता मनात डोकावून पाहण ?

दोन ओळी सुचताना एकट एकट राहण ?

सोडलस कि काय मनसोक्त गाण ?   

एक सांगू ?

सोडायला काय तो बाप्पाचा उपवास न्हवे 

२१ मंगळवार झाले की हवे ते खावे 

जसं सुचेल जितकं रुचेल तसं ठेवीन मांडून 

विणीन तुमच्यासाठी दोन ओळी ..एखादा शब्द सांडून

कधी त्यांची प्रेमाची पहाट 

कधी रुसवा फुगवा भांडून 

बस ...एखादा कोपरा तरी नक्की तुम्हाला आवडावा 

माझा सगळा ब्लॉग हिंडून :)