फक्त एकदा येऊन जा

श्वास कंठाशी आलाय

प्राण डोळ्यात साठलेत

ओठांवर उतरलेला रंग पाहून जा

फक्त

एकदा येऊन जा

वेलीवरच मोगरा

आज ओंजळीत फुललाय

रात्रीच्या सोबतीला तू 

दोन फुल  घेऊन जा 

फक्त 

एकदा येऊन जा 

चंद्र ढगाशी टांगलेला

रात्र अंधारात हरवली

तुझी शुक्राची चांदणी

मला  देऊन जा

फक्त

एकदा येऊन जा

सूर्य क्षितिजावर बुडाला

माझी एकाकी संध्याकाळ

पुसटशी तुझी सावली

माझ्या सोबतीला ठेवून जा

फक्त

एकदा येऊन जा

गार वर अंगाशी 

नको इतका झोंबतो

हात धरून तुझ्यासोबत 

मलाही घेऊन जा

फक्त

एकदा येऊन जा

कोसळणार आभाळ

दाराशी येऊन थांबलाय

ओंजळीच्या शिंपल्यात 

मोती वेचून जा

फक्त

एकदा येऊन जा

पायाखालची वाट

नको इतकी लाम्बलीये

वळणं वरची धूळही

उडायची थांबली आहे

उठलेल्या वावटळीला मिठीत घेऊन जा

फक्त 

एकदा येऊन जा

पहाटेचा सूर्य हि मला

पाहायचा नाही

मिटलेल्या पापणीत

तुझं स्वप्न देऊन जा

फक्त

एकदा येऊन जा

वाट पाहणारे

पाणावलेत डोळे 

एका क्षण साठी आज माझा होऊन जा

फक्त 

एकदा येऊन जा

फक्त...

एकदा...

एकदाच...