"प्रेमात कुणी पडलय का ?"

चंद्राला सोबत म्हणून

डोळे रोज जागतात

लुकलुकणाऱ्या तार्याप्रमाणे 

का वेड्यासारखे वागतात ?

चांदण्यांशी  गप्पा मारत 

रात्र कधी सरलीये का ?

पहाटेच्या सूर्यासाठी 

कधीतरी ती उरलीये का ?

हरवलेल्या रात्रीमुळे 

उजाडायच  अडलंय का ?

क्षितिजावरचा सूर्य विचारतोय 

"प्रेमात कुणी पडलय का ?" 

पारिजाताचा सदा पाहून

रोज वाईट वाटत

का कुणास ठाऊक पण

डोळ्यात पाणी साठत

प्रत्येक फुलासाठी रडून

आजतरी पाणी थांबलय का ?

एकाचा तरी आयुश्य  

क्षणभरासाठी तरी लांबलय का ?

झाडापासून वेगळा होऊन 

एकतरी फुल साडलय का ?

झाडावरच फुल विचारताय 

"प्रेमात कुणी पडलय का ?" 

तलावाच्या काठाला

पाय रोज वळतात

काठावरची सगळी गुपित 

जणू त्याला कळतात

तलावात खडे मारून

संध्याकाळ संपेल का ?

मारलेल्या खड्यामुळे 

तलाव कधी चिडलाय का ?

पाण्यावरचा तरंग विचारतोय 

"प्रेमात कुणी पडलय का ?" 

'तिच्या' फक्त होकारासाठी

खरच 'त्याच ' अडलंय का ?

गालावरची खळी कधी

तिच्यासाठी खुललीये का ?

रातराणी डोळ्यातली

खरच कधी फुलालीये का ?

ओठ्वारच गाण त्याने 

तिच्यासाठी खुडलय का ? 

आपल्या ओंजळीतल  सुख 

तिच्या ओंजळीत सोडलंय का ?

गोन्धळलेल मन विचारतंय

"प्रेमात कुणी पडलय का ?" 

प्रत्येकाचा एकाच प्रश्न 

"प्रेमात कुणी पडलय का ?" 

या ओठांचा एकाच उत्तर

प्रेमाशिवाय कोणाच अडलंय का ?

सगळ्यांनी विचारण्याइतक 

काहीतरी घडलंय का ?

कुणाच्यातरी विरहात कुणाच 

मन कधी रडलाय का ?

ओठावरच हास्य विचारतंय 

"प्रेमात कुणी पडलय का ?" 

पण .....

न झेपणारे घाव

कधीही कुणी झेलू नये

न पेलणार गुपित 

कुणासमोरही बोलू नये

उघड्या डोळ्यांनी प्रेम कराव

न बंद डोळ्यांनी आठवावं

आठवणींच उठलेलं वादळ 

डोळ्यातच साठवावं 

कधीतरी 'ती' समोर येवून

सुंदरस हसेल 

तिचं हे हसण आज 

फक्त त्याच्यासाठी असेल

~ अमृता