समोरच कोसळल्या

भरतीच्या लाटा 

किनार्यावर येऊन शांत झाल्या

तुला न्हवत्याच दाखवायच्या

डोळ्यात नकळत दाटून आल्या

खाली झुकली नजर

पापण्याही ओशाळल्या 

भरून आलेल्या मेघधारा 

तुझ्या समोरच कोसळल्या

डोळे माझे असले तरी 

आज तुला साथ दिली

ठेवल होतं समजावून

पण ऐनवेळी फितुरी केली

जिंकावास तू म्हणून खेळलेल्या डावात 

तुझ्या समोरच येऊन हरले

कळलंच नाही कसली ही हार 

हसतानाही डोळे भरले

अनिर्णीत डाव नुसता 

भावनांचा खेळ नसतो

सोन्गट्या कशाही विखुरल्या 

मेळ घालणारा कुठेतरी असतो 

नजर नुसती खिळवून 

येतात सोन्गट्या सुद्धा हलवता 

माझ्यातर भावना होतं

बाहेर पडल्या न बोलावता  

~ अमृता