आठवतंय तुला ???

कोसळणार आभाळ पाहिलं  

की तुझी आठवण येते 

अन  तुझ्या मिठीत मला 

चिंब भिजवून जाते 

सूर्यास्ताचा सूर्यही अगदी 

मला तुझ्यासारखा वाटतो

 वाट पाहणाऱ्या क्षितिजाला 

तो  ही असाच ..... कडकडून भेटतो 

वाळूत उमटणारी पावलंही 

तुझीच असल्याचा भास 

आशेने तुझ्या सोबतीच्या 

सुरु केलेला प्रवास 

काळ्याभोर केसात आज मी 

गजरा मळलाय 

तुझ्यासारखा तो ही 

या काळेपणावर भाळलाय 

तुला स्पर्शून आलेला वारा 

मला येऊन बिलगतो 

अन प्रत्येक श्वासाची 

तो ओळख करून देतो 

झाडावरून ओघळणारा 

आज प्राजक्त पाहीलाय 

तुझ्या इतक्याच विश्वासाने 

तो माझ्या ओंजळीत राहिलंय 

लाजाळूच्या पानांना 

पाहिलं आहेस कधी मिटताना ?

इतक्या हळुवारपणे एकमेकांना भेटताना 

रात्रभर चांदण्यात 

चंद्र माझ्या सोबत फिरला 

अन स्वप्नातही मी 

तुझाच हात धरला 

आठवतंय तुला ???

          आठवतंय तुला ??? 

हातात हात होते 

           डोळे पाण्याने विझलेले 

दोघांचेही श्वास कुठेतरी 

           खोलवर रुजलेले 

खूप होता बोलायचं 

           पण शब्द ओठातच भिजलेले 

फक्त एका क्षणासाठी 

           तुझ्या खांद्यावर निजलेले 

अन ....

अमृताचे चार कण 

            एकमेकांसाठी मोजलेले 

आठवतंय तुला ???

            आठवतंय  ???