Please hate me

आपले मार्ग कधीच तसे एक न्हवते            

धावत होते ते एकमेकांना समांतर 

देवाने आखून दिलेल्या पिवळ्या रंगाचे दुभाजक 

तेवढेच काय ते आपल्या मधले अंतर 

घालावी तुझी समजूत अस 

आता खरच काहीच नाही उरल 

डोळ्यातलं तुझ्या प्रश्नाचं आभाळ 

बस ... माझ्या एका शब्दात भरल

 

वाटल ...चण्याची पुडी संपवत 

सहज तासभर तरी जाईल निघून  

५ मिनिटात आवरत घेतलस 

ते ही समोरच्या घड्याळात बघून 

 

 हाताना उगीचच कंप सुटलेला 

आणि आवाजही शेवटच्या ओढीने दबलेला 

" Please hate me " इतकच काय ते स्पष्ट 

"कस सांगू ?" विचार करत वेळ उगीचच लांबलेला 

शेवटच्या वळणावरचा नजरेचा एक कटाक्ष 

आज नको इतका बोचत होता 

सुटायचीच होती वीण म्हणून कि काय

इतका झाला होता गुंता 

काय म्हणून पावसात आलीस भिजत लगबगीने

शेवटचा निरोपच तर होता घ्यायचा

"न सुटलेलं कोड आहेस तू ...निघते मी " म्हणालीस 

अन .... फक्त माझा जीवच काय तो राहीला होता जायचा